Манай улсад 111.2 мянган хөгжлийн бэрхшээлтэй иргэн байгаагаас 15.3 мянга нь л хөдөлмөр эрхэлж байна

Тогтвортой хөгжил, эрх тэгш оролцоо, олон талт байдлыг дэмжих “ABILITY EXPO -2024” арга хэмжээ боллоо. 
Өнөөдөр манай улсад 111.2 мянган хөгжлийн бэрхшээлтэй иргэн байгаагаас 15.3 мянга нь л хөдөлмөр эрхэлдэг.
Хөдөлмөрийн тухай хуулинд 25-аас дээш ажилтантай байгууллага нийт ажилтныхаа дөрвөөс доошгүй хувьд хөгжлийн бэрхшээлтэй иргэн ажиллуулна гэсэн заалт бий. 
Аж ахуй нэгж бүр энэ хуулиа хэрэгжүүлбэл хөдөлмөр эрхлэх боломжгүй байгаа 70-80 мянган иргэнээ ажлын байртай, эдийн засаг, нийгмийн баталгаатай болгох юм. 

Хөгжлийн бэрхшээлтэй иргэн бүрийн нас, бэрхшээлийнх нь онцлогт тохирсон, урьдчилан сэргийлэх, нөхөн сэргээх зэргээр асуудлаа цогцоор нь харсан НИЙГМИЙН ХАМГААЛЛЫН ҮЙЛЧИЛГЭЭГ хөгжүүлэхээр зорьж байна. Мөн тэднийг баялаг бүтээгч, үйлдвэрлэгч болоход нь бодлогын дэмжлэг үзүүлнэ. 
Иргэн бүр эрүүл, аюулгүй орчинд амьдрах эрхийг нь хангасан нийгмийг бүтээхийн төлөө, хөгжлөөс хэнийг ч орхихгүй байхын төлөө төр, хувийн хэвшил бүгд хичээж ажиллах хэрэгтэй гэж ГБХНХЯ-аас мэдээллээ.