“Болор цом-42” яруу найргийн наадмын тов гарч, бүртгэл эхэллээ

Монголын Зохиолчдын Эвлэлээс жил бүр зохион байгуулдаг Оны шилдэг шүлэг шалгаруулах “Болор цом-42” яруу найргийн наадам 2024 оны 11 дүгээр сарын 26-нд Улаанбаатар хотноо болно. Энэхүү наадамд найраг шүлгээ сойх, оролцох хүсэлтэй хэн бүхэн 2024 онд бичсэн, чөлөөт сэдэвтэй 2 шүлгээ 2024 оны 11 дүгээр сарын 20-ны 20.00 цагаас өмнө МЗЭ-ийн цахим шуудангийн mze.khoroo@gmail.com хаягаар илгээх буюу Монголын Зохиолчдын ордны 207 тоотод овог нэр, холбоо барих утсаа тодорхой гаргацтай бичиж илгээх аж. 

“Болор цом 42” наадамд сойх бүтээл урьд өмнө ном, хэвлэл, цахим орчинд нийтлэгдээгүй байна. 

“Болор цом-42” яруу найргийн наадмын эхний шатны дүнг 2024 оны 11-р сарын 22-нд зарлах ба цомын эзнийг тодруулах сүүлийн шатны шалгаруулалт 2024 оны 11-р сарын 26-нд Соёлын Төв Өргөөнд болно гэж МОНГОЛЫН ЗОХИОЛЧДЫН ЭВЛЭЛээс мэдээллээ.