БОУАӨЯ: Хяналт шалгалт үргэлжилж байна

Салбарын улсын ерөнхий байцаагчийн баталсан 01/05 дугаартай урьдчилан сэргийлэх шалгалтын удирдамжийн хүрээнд улсын хэмжээнд хяналт шалгалтыг зохион байгуулан байгалийн нөөц ашиглан төсөл хэрэгжүүлэгч болон үйлдвэрлэл, үйлчилгээ эрхэлж буй иргэн, аж ахуйн нэгж байгууллагуудын байгаль орчинд нөлөөлөх байдлын үнэлгээ, байгаль хамгаалах үүргийн хэрэгжилтийн байдалд урьдчилан сэргийлэх шалгалт явуулж байна. 

Хяналт шалгалтаар 2024 оны 3 дугаар улирлын байдлаар уул уурхайн төсөл 59, хүнд үйлдвэрийн төсөл 8, хөнгөн хүнсний үйлдвэрийн төсөл 77, дэд бүтцийн төсөл 72, үйлчилгээний төсөл 205, бусад 12 нийт 433 объектын байгаль орчинд нөлөөлөх байдлын үнэлгээ, байгаль орчныг хамгаалах үүргийн хэрэгжилтэд урьдчилан сэргийлэх хяналт шалгалт хийгдлээ.

Шалгалтаар тухайн жилийн байгаль орчныг хамгаалах менежментийн төлөвлөгөөгүй, байгаль орчинд нөлөөлөх байдлын үнэлгээгээр тавигдсан шаардлагыг биелүүлж ажиллаагүй зөрчлийн дагуу хялбаршуулсан журмаар 192, зөрчлийн 15 хэрэгт тус тус зөрчил шалган шийдвэрлэх ажиллагаа явуулан 219.200.0 төгрөгийн торгох шийтгэл, байгаль орчинд учруулсан 868.406.763 төгрөгийн хохирол, нөхөн төлбөр тус тус ногдуулж, 10 аж ахуйн нэгжид эрх хязгаарлах арга хэмжээ авч, зөрчлийг арилгуулахаар 297 заалт бүхий эрх бүхий албан тушаалтны зөрчлийн үр дагаварыг арилгуулах албан даалгавар болон улсын байцаагчийн 133 албан шаардлагаар зөрчлийн үр дагаврыг арилгахыг тус тус даалгаж биелэлтэнд хяналт тавин ажиллаж байна.

Хяналт шалгалт үргэлжилж байна гэж БОУАӨЯ-аас мэдээллээ.