АНХААР: Энэ амралтын өдрүүдэд ихэнх нутгаар бороо, нойтон цас, цас орж салхи шуургатай байна

Гэрэл зургийг MPA.mn

Энэ амралтын өдрүүдэд хол, ойрын аян замд болон аялал зугаалгаар явахаар төлөвлөж буй иргэдийн анхааралд!

Цаг уурын байгууллагын ирүүлсэн мэдээгээр энэ амралтын өдрүүдэд буюу есдүгээр сарын 28-29-нд ихэнх нутгаар бороо, нойтон цас, цас, нутгийн өмнөд хэсгээр ахиухан хэмжээний усархаг бороо орж, хүйтэрч, салхи шуургатай байна. 

Иймд малчид, тээвэрчид, иргэд та бүхэн цаг агаарын урьдчилан сэргийлэх мэдээг тогтмол хүлээн авах,  хол, ойрын замд гарахдаа сонор сэрэмжтэй байх,  автомашины бүрэн бүтэн байдлыг хангаж, шатахуун, хүнсний нөөц, дулаан хувцастай явах зэргээр аюулгүй байдлаа хангахыг ОБЕГ-аас анхааруулж байна.