СПОРТ

Өсвөрийн жүдоч О.Хүслэн Японы ахлах сургуулиудын АШТ-д өрсөлдлөө

2021-08-16

Япон улсын Нагано мужид суралцаж байгаа Монголын Жүдо Академийн суралцагч О.ХҮСЛЭН энэ сарын 8-12-нд зохион байгуулагдсан Бүх Японы Ахлах сургуулиудын аварга шалгаруулах “INTER-HIGH” тэмцээнд амжилттай оролцож (-78 кг), ур чадвар, хүч чадлаа сорилоо. Тэрбээр өнгөрсөн нэгдүгээр сард Нагано мужийн өсвөрийн аварга шалгаруулах тэмцээнд жиндээ тэргүүн байр эзэлснээр энэхүү “INTER-HIGH” тэмцээнд оролцох эрхтэй болсон юм.

2017 оноос жүдогоор хичээллэж байгаа бөгөөд Монгол Улсын өсвөрийн УАШТ-аас хоёр хүрэл медаль хүртэж, Кураш бөхийн өсвөрийн Улсын аварга болж байсан удаатай.