ДЭЛХИЙН МЭДЭЭ

ТОКИО: Хутга барьсан хүн галт тэргэнд 10 хүнийг шархдуулжээ

Баасан гарагийн орой Токио хотын зорчигч тээврийн галт тэргэнд зорчигчид руу хутга барин дайрч, 10 хүнийг шархдуулсан хэрэг гарчээ. Нэг хохирогч эмэгтэй хүнд бэртсэн бол бусад нь хүндэвтэр гэмтэл авсан байна.

Сэжигтэн баасан гарагт 20:40 цагийн орчимд Сейжогакуэн өртөөний ойролцоох галт тэрэгний зорчигчид руу дайрсан бөгөөд галт тэрэгний бүхээг дотроос чимээ гарахыг сонссон жолооч яаралтай зогсолт хийсний дараа тэрээр төмөр зам руу үсэрч зугтсан гэж цагдаагийн газраас мэдээлжээ.

Тэрээр хожим нь дэлгүүрт ороод өөрийгөө “мэдээллийн хэрэгслээр гарч буй хэргийн сэжигтэн”, мөн зугтахаас залхаж байгаагаа хэлсэн байна. Дэлгүүрийн ажилтнууд цагдаа дуудаж түүнийг бямба гарагийн өглөө эрт баривчилсан болохыг Токио хотын цагдаагийн газраас мэдээлжээ. Баривчилгааны талаар өөр дэлгэрэнгүй мэдээлэл өгөөгүй байна.

36 настай сэжигтэн цагдаагийн мэдүүлэгтээ зорчигчид “аз жаргалтай харагдсан” учраас уур нь хүрч, тэднийг алахыг хүссэн гэжээ.

Япон улс дэлхийн хамгийн аюулгүй орнуудын нэг хэдий ч сүүлийн жилүүдэд хутгатай халдлага цөөнгүй гарсан. 2019 онд нэгэн эр Кавасаки хотод автобус хүлээж байсан сургуулийн сурагчид руу дайрч, үүний улмаас хоёр хүн амиа алдаж, 18 хүн шархадсан юм.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet