COVID-19

Олимпын наадмын үеэр Токио хотод халдварын тархалт нэмэгдэж өдөрт 5,042 тохиолдол бүртгэгдлээ

Токио хотод пүрэв гарагт шинээр 5,042 коронавирусийн тохиолдол бүртгэгдсэн нь халдварын тархалт эхэлснээс хойш хамгийн их үзүүлэлт боллоо. Ингэснээр тус хотын нийт халдварын тохиолдол 236,138-д хүрчээ. Харин улсын хэмжээнд лхагва гарагт 14,000 гаруй тохиолдол бүртгэгдэж, нийт 970,000 тохиолдол болсон байна.

Токио хотод долдугаар сарын дунд үеэс онц байдал зарласан бөгөөд үүнээс хойш өөр дөрвөн газрыг нэмж, наймдугаар сарын 31 хүртэл сунгасан. Гэхдээ хязгаарлалтаас залхсан олон нийт ресторан, бааранд согтууруулах ундаа хэрэглэхийг хориглох, цагийн хязгаар тогтоох зэрэг дүрмүүдийг үл тоомсорлох болжээ. Засгийн газрын шинжээчид халдварлах өндөр чадвартай “дельта” хувилбарын тархалт улам нэмэгдэж, хоёр долоо хоногийн дотор өдөрт бүртгэгдэх тохиолдлын тоо 10,000-ыг давж болзошгүйг анхааруулав.

Эмнэлгийн ор дүүрч эхэлмэгц засгийн газар энэ долоо хоногт дунд зэргийн шинж тэмдэг бүхий коронавирусын өвчтнүүдийг эмнэлэгт биш гэртээ тусгаарлах шинэ бодлогыг танилцуулж, зөвхөн хүнд хүмүүсийг эмнэлэгт хүлээн авахаар болсон. Одоогоор тус хотод бага зэргийн шинж тэмдэгтэй 14,000 гаруй өвчтөн гэртээ тусгаарлагдсан байгаа нь сарын өмнөхөөс 10 дахин нэмэгдсэн тоо бөгөөд 8,400 орчим хүн эмнэлэг эсвэл тусгай зочид буудалд ор хүлээж байна.

Эх сурвалж: AP

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet