АНХААР: Тэмбүүгээр өвчилснөө яаж мэдэх вэ

Тэмбүү өвчин нь архаг удаан явцтай, цайвар Трепонемаар үүсгэгддэг, хүний биеийн бүх эрхтэн тогтолцоог, арьс, салст, дотор эрхтэн мэдрэлийн систем ба тулгуур хөдөлгөөний эрхтэнг, гэмтээдэг бэлгийн замын халдварт өвчин юм.

✅ ХАЛДВАР ХЭРХЭН ДАМЖИХ ВЭ?
• Халдвартай хүнтэй хамгаалтгүй бэлгийн хавьталд орох үед
• Халдвартай жирэмсэн эхээс урагт
• Халдварлагдсан цус, цусан бүтээгдэхүүн, зүү тариур дамжуулан хэрэглэхэд тус, тус халдвар дамжина

✅ ИЛРЭХ ШИНЖ ТЭМДЭГ
• Тэмбүү өвчний халдвар авснаас хойш дунджаар 3 долоо хоногийн дараа бэлэг эрхтэн, түүний орчим өвчин эмзэглэлгүй шарх (хатуу яр) гарна.
• Энэ үед ойролцоох тунгалгийн зангилаа (ихэвчлэн цавины булчирхай) цочиж томорно.
• Эмчилгээ хийлгээгүй ч гэсэн хатуу яр нь аяндаа алга болно. Тодорхой хугацааны дараа арьс салстаар тархмал тууралт гарах, үс унах, арьс цайрах шинж илэрнэ.
• Цаашдаа өвчин даамжирч халдвар авснаас хойш 3-6 жилийн дараа арьс салстыг гүн гэмтээсэн тууралт гарч болно. Мөн дотор эрхтэн, мэдрэлийн талаас гүнзгий өөрчлөлт илэрч яс, үе мөчийг гэмтээнэ.

✅ Тэмбүү өвчний үед шинж тэмдэг илрэхгүй байж болох уу?
-Болно. Энэ үед зөвхөн цусны шинжилгээгээр халдвартай болох нь тогтоогддог. Энэ үеийг тэмбүү өвчний далд хэлбэр гэнэ.

✅ ҮҮНИЙГ ХЭРХЭН ЭМЧЛЭХ ВЭ?
Эмчилгээ: Үүсгэгчийн эсрэг өвөрмөц эмчилгээ.
Хавсарсан халдвар байгаа эсэхийг шинжилж давхар эмчилнэ. Хамгийн чухал нь эрт оншлуулвал хурдан эдгэнэ.