ОРХОН: Сүүлийн дөрвөн жилд 2400 айлын орон сууц ашиглалтад оржээ

Орхон аймгийн 100 гаруй мянган хүн амын 70 гаруй хувь нь  гэр хороололд амьдардаг. Иймд гэр хорооллыг орон сууцжуулах зорилгоор сүүлийн жилүүдэд орон нутгаас дэд бүтэц, инженерийн шугам сүлжээ татах ажлыг үе шаттай хийж байна.

Тухайлбал, Уртын гол /240 айл/, Эрдэнэ /270 айл/, Говил /270 айл/, Цагаанчулуут /72 айл/, Их-Залуу багт /240 айл/  орон сууц барихад шаардлагатай дэд бүтэц татахад улсын төсвөөс 50 тэрбум төгрөг төсөвлөжээ. Эдгээр орон сууц ашиглалтад орсноор гэр хорооллын 1000 янданг буулгах боломжтой юм.

Түүнчлэн Орхон аймагт сүүлийн дөрвөн жилд 4200 гаруй айлын орон сууц баригдаж байгаагаас  2400 нь ашиглалтад орж, 1800 нь үргэлжилж байна.