НИЙГЭМ

АИ-92 төрлийн авто бензиний үнэ 2050-2100 төгрөг болж нэмэгдлээ

Энэ сарын 2-нд шилжих шөнө ШТС-ууд нэгдсэн байдлаар АИ-92 шатахууны үнийг 300 төгрөгөөр нэмж байсан. Гэтэл өнөөдөр дахин литр тутамд 300 төгрөгөөр нэмж, АИ-92 2050-2100 төгрөг боллоо.

“Шунхлай” шатахуун түгээх станцад АИ-92 литр нь 2060 төгрөгийн үнэтэй байгаа бол “МТ”, “Сод Монгол” 2050, “Петровис” компани 2100 төгрөгөөр тус тус худалдаж эхлэв. Мөн дизель түлш бүх шатахуун түгээх станцад нэг литр нь 2290 төгрөгөөс 2490 төгрөг болж өсжээ.

Энэ талаар Ашигт малтмал, газрын тосны газрын дэд дарга Ц.Эрдэнэбаяр “Ирэх сард дотоодын хэрэгцээг хангах шалтгаанаар ОХУ-аас АИ-95 бензинийг манай улсад нийлүүлэхэд хүндрэл үүссэн. Үүнтэй холбоотойгоор Засгийн газар АИ-95, АИ-98 автобензиний экспортыг есдүгээр сарын 1 хүртэл түр хязгаарлахаар шийдвэрлэсэн. Манай улсад АИ-95, АИ-98 шатахууны ердийн хэрэгцээний 30 хоногийн нөөц байна. Үүнтэй холбоотойгоор манай улс нөөцөө бүрдүүлэхийн тулд БНХАУ-ын төрийн өмчит компанитай хамтран ажиллахаар хэлэлцээрийн түвшинд явж байна” гэсэн мэдээлэл өглөө.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet