ОЛИМП

ОЛИМП: Монголын баг, тамирчдын өнөөдрийн хуваарь

Э.ПҮРЭВДЭЛГЭР/NEWSWIRE.MN

58

2021-07-30

-“Токио-2020” зуны XXXII олимпын наадам-

Монголын таван тамирчин спортын гурван төрөлд өрсөлдөнө.

БУУДЛАГА: Өглөө 08.00 цагт Asaka Shooting Range-д эмэгтэйчүүдийн спорт гар бууны 25 метрийн дасгалын урьдчилсан шат эхэлнэ. Манайхаас О.Гүндэгмаа, Ц.Анударь нар өрсөлдөх юм. Өчигдөр тамирчид тогтоол 30 сум буудсан бол өнөөдөр түргэн 30 сум буудсанаар финалд шалгарах найман тамирчин тодорхой болох юм. Тогтоол буудлагын дараа Ц.Анударь 287 оноотойгоор 29-д, О.Гүндэгмаа 283 оноотойгоор 38-д бичигдэж байгаа билээ. Энэ төрлийн финалын буудлага 13.00 цагт эхэлнэ.

ЖҮДО: Монголын багийн тугч Ө.Дүүрэнбаяр эрэгтэйчүүдийн +100 кг-д хүч сорино. Тэрбээр эхний даваанд Узбекистаны бөх Бекмурод Олтибоевтой барилдах сугалаа татжээ.

Жүдоч маань тивийн аваргаас хүрэл, Армийн дэлхийн аваргаас мөнгөн медаль хүртсэн амжилттай нэгэн.

УСАНД СЭЛЭЛТ: Токиог зорьсон Монголын сэлэгчид өнөөдөр уралдана. Эрэгтэйчүүдийн 50 метрийн чөлөөт сэлэлтэд М.Дэлгэрхүү хурд сорих бөгөөд уралдаан нь 18:10 цааас эхлэх хуваарьтай.

Харин эмэгтэйчүүдийн 50 метрийн чөлөөт сэлэлтэд уралдах Б.Энххүслэн 18:32 цагаас гараанд гарах юм.