ДЭЛХИЙН МЭДЭЭ

Хятад цөмийн пуужингийн силос барьж байна

Хятад улс газар нутгийнхаа баруун хэсэгт цөмийн пуужингийн силос (пуужинг хөөргөхөд зориулсан газар доорх төхөөрөмж) барьж байна гэж АНУ-ын эрдэмтэд мэдээлэв.

Шинжаан мужаас авсан хиймэл дагуулын зургуудаас үзэхэд уг байгууламжийг барьж дуусахад дотор нь 110 орчим силос агуулах боломжтой гэж АНУ-ын эрдэмтдийн холбоо (FAS) мэдэгдэлдээ дурджээ. Юмэн хотоос баруун хойд зүгт 380 км зайд орших Хами дахь шинэ газар нь бүтээн байгуулалтын эхний шатандаа байгаа аж.

Үүнтэй холбоотойгоор АНУ-ын батлан ​​хамгаалахын албаны хүмүүс Хятадын цөмийн зэвсгийн нөөц нэмэгдэж байгаад санаа зовж байгаагаа илэрхийлсэн байна.

Энэ бол сүүлийн хоёр сарын хугацаанд мэдэгдсэн Хятадын баруун хэсэгт баригдаж байгаа хоёр дахь шинэ силосын талбай юм. Өнгөрсөн сард Вашингтон Пост сонинд Гансу мужийн Юмэнь дахь цөлийн бүсэд 120 ширхэг силос байгааг мэдээлсэн билээ.

2020 онд Пентагон Хятадын цөмийн цэнэгт хошууны нөөц 200 гаруй байгаа бөгөөд энэ тоог хоёр дахин нэмэгдүүлэхээр зорьж байгааг мэдээлсэн юм. АНУ болон ОХУ цөмийн зэвсгийг хянах, тоог нь багасгах талаар хэлэлцээрт бэлдэж байгаа бол Хятад улс өнөөг хүртэл уг хэлэлцээрт оролцоогүй байна.

Харин шинжээчид АНУ-ыг ойролцоогоор 3800 цэнэгт хошуутай гэж үзэж байгаа юм.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet