СЭРЭМЖЛҮҮЛЭГ: Гол, мөрний мөс улам хэврэгших тул мөсөн дээгүүр зорчихгүй байхыг анхааруулж байна

Сэлэнгэ аймгийн Түшиг сумын 2 дугаар багийн "Зэлтэрийн гол' гэдэг газар /аймгийн төвөөс баруун зүгт 185 км-т, сумын төвөөс баруун зүгт 50 км-т/ 50°12'37.4220"N, 104°43'8.5980"E/ суудлын автомашин “Зэлтэр” голын мөсөнд цөмөрч, суусан тухай дуудлагыг 04.02-ны өдрийн 14:55 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчдыг очиход иргэн А-ийн "Тоёота харриер" загварын суудлын автомашин “Зэлтэр” голын усанд суусан байсныг ажиллаж татан гаргасан.

Манай орны ихэнх гол мөрөн нуурын мөсний зузаарлын эрчим буурч, хаврын мөсний үзэгдэл идэвхижиж эхэллээ.

Ихэнх гол мөрний мөсний зузаан өнгөрсөн оны мөн үе болон олон жилийн дунджаас 10-60 см бага байна. 

Цаашид урин дулаан цаг ирж байгаатай холбогдуулан гол мөрний мөс улам хэврэгших тул ард иргэд сонор сэрэмжтэй байж мөсөн дээгүүр явах болон авто тээвэр хийхгүй байхыг онцгойлон анхааруулж байна.