БОАЖЯ: Найман тусгай хамгаалалтын захиргааны 158 алба хаагч нэг өдрийн цалин болох 8,1 сая төгрөг хандивлалаа

БОАЖ-ын Сайд Б.Бат-Эрдэнийн санаачилгаар "МАЛЧДАД ТУСЛАХ АЯН"-д Говийн бүсийн Улсын болон орон нутгийн НАЙМАН тусгай хамгаалалтын захиргааны 158 алба хаагч нэгдэж нэг өдрийн цалин болох 8,161,270 төгрөг 1050 боодол өвс, 60 уут тэжээл, 400кг долооц  хандивлалаа.

ХАНДИВ ӨГСӨН БАЙДЛЫГ ДУРДВАЛ:
 1. Говь гурван сайхан БЦГ-ын  хамгаалалтын захиргааны 34 алба хаагч 1,762,000 төгрөг, 100 боодол өвс, 40 уут тэжээл;
 2. Говийн их ДЦГ-ын  А хэсгийн хамгаалалтын захиргааны 29 алба хаагч 1,541,020 төгрөг, 50 боодол өвс, 20 уут тэжээл; 
 3. Говийн бага ДЦГ-ын хамгаалалтын захиргааны 26 алба хаагч 1,376,550 төгрөг, 500 боодол өвс; 
 4. Их богдын БЦГ-ын хамгаалалтын захиргааны 18 алба хаагч 892,000 төгрөг;
 5. Их газрын чулуу БЦГ-ын хамгаалалтын захиргааны 11 алба хаагч 559,000 төгрөг, 300 боодол өвс, 400кг долооц; 
6. Их нарт БНГ-ын хамгаалалтын захиргааны 13алба хаагч 680,000 төгрөг; 
7. Тос тосон бумбын БНГ-ын хамгаалалтын захиргааны10 алба хаагч 500,000 төгрөг;
8. Хамарын хийдийн ОНТХГ-ын хамгаалалтын захиргааны 17 алба хаагч 100 боодол өвс,  850,000 төгрөгийн хандив тус тус өгч хандивын аянд нэгдлээ.