БОЛОВСРОЛ

Буруу шийдвэрийг цуцалтал АМЬ НЭГТЭЙ ТЭМЦЭНЭ

Сургуулийн газраа алдахгүй гэхдээ жүжүүрлэн хонож байна, САЙД АА

Дэлхийн хаана ч улсынхаа нүүрийг тахалдаг урлагийн салбарынхны уурхай, эх ундарга болсон Монгол Улсын Консерватори амь тавих нь ээ, САЙД АА.

БШУ-ны сайд Л.Энх-Амгалан та энэ сургуулийг мэргэжлийн хөгжимчид, бүжигчид, дуучид, циркчдийг балчир багаас нь бэлтгэж, жинхэнэ цусны уран бүтээлч болгон төрүүлдэг улсын цорын ганц бааз гэдгийг юу эс андах вэ. Харамсалтай үе, үеийн сайд нар үл тоож, таны үед ирлээ.

No photo description available.
Боловсролын үнэлгээ, мэдээллийн нэгдсэн төвийг 2,500мк газарт барина гэж байсан ч өдгөө энэ талбай 7,309мк болсон.

Угтаа нүдний цөцгий мэт арчилж тордох учиртай, 80 жилийн түүхтэй, 7000 гаруй урлагийн мэргэжлийн боловсон хүчин бэлтгэн гаргасан Хөгжим бүжгийн дунд сургууль, Консерватори нь актлагдаад 20 жил болсон хичээлийн байртай, арагшаа суулт өгч цуурсан өргөтгөлтэй өнөөдрийн хүрчээ. Асуудал ийм хүнд, ядмагхан байхад МУК-ийн арын хашаанд Боловсролын үнэлгээ, мэдээллийн нэгдсэн төв (7,309мк талбайд)-ийн таван давхар барилгыг БШУЯ-ны захиалгаар барина гэнэ. Үүнийг чинь багш ажилчид, оюутан сурагч, үе үеийн төгсөгч, эцэг эхчүүд (МУК-ийн газрыг хамгаалах Түр хороо) эсэргүүцэн газраа аврах тэмцэл өрнүүллээ. Аргаа барахдаа сургуулийнхаа хашаанд ээлжээр хонож байна. Өөрийн гэсэн сургуулийн цогцолбортой болох өдрийг хүлээж, мэдлийн “сөөм” газраа хадгалж, хамгаалж байгаа нь энэ.

Сайд та санаж байгаа бол өнгөрсөн гуравдугаар сарын 5-ны өдөр төрийн өмчит их, дээд сургуулийн удирдлагуудтай уулзах үеэрээ хатуу шаардлага тавьсан. Олон нийт ч сайшаасан. Та “Сургуулийн захирлууд газраа зарахгүй шүү!!!. Газраасаа зарсан төрийн их, дээд сургуулийн захирлыг шууд хална. Сургуулиар бизнес хийхгүй. Энэ бол та бүхэнд тавих хатуу шаардлага” гэсэн. Гэтэл өнөөдөр таны хэлсэн үг, хийх үйлдэл зөрлөө.

Гэрэл зургийг MPA.mn

МУК-ийн захирлын үүрэг гүйцэтгэгч Ц.Пүрэвхүү сургуулийнхаа газраас бусдад өгч байж ЕБС-ийнхаа өргөтгөлийг бариулна гэнэ. Тэрбээр тайлбарлахдаа “Үүнээс өөр ашигтай шийдэл байхгүй” гэлээ. Харин багш ажилчид барьцааны энэ “шахаа”-г огт дэмжихгүй төдийгүй газар дээр нь өөр байгууллагын барилга барих шийдвэрийг цуцалтал амь нэгтэй тэмцэнэ гэдгээ ХАТУУ МЭДЭГДЭЖ, суултаа тав дахь өдрөө үргэлжлүүлж байна.

Сайд та нэгийг бодож, хоёрыг тунгаана биз ээ.

…………………..

МУК-ийн эзэмшлийн талбайд Боловсролын үнэлгээ, мэдээллийн нэгдсэн төв бариулахыг дэмжиж байгаа эсэх тухай судалгааг долдугаар сарын 7-9-нд явуулахад нийт оролцогчдын 98.6 хувь буюу 566 хүн “Гадны барилга бариулахыг эсэргүүцэж байна” гэж хариулжээ.

Судалгааны нэг хэсэг.

2 сэтгэгдэл

  1. Зочин

    2021-07-11

    1метр ч газар өгөх ёсгүй. Энд зөвхөн ХБКонсерваторын барилга баригдах ёстой. Пүрэвхүү энэ сургуульд сурсан мөртлөө одоо захирал болчихоод газраа наймаалцаж байх гэж дээ.

  2. Ч.Бат-Эрдэнэ

    2021-07-16

    Нэг метр квадрат газар ч бусад хэрэгцээнд зориулан өгч болохгүй. Соёлын яамных нь барилгыг булааж авч байсан. Одоо соёл урлагын эх уурхайн нэгийг үгүйсгэх гэж байгаа юм шиг Хөгжим бүжгийн коллеж, Монгол Улсын Консерваторийн хөгжлийн боломж, оюутан сурагчдынх нь эрх ашигт халдаж байгаагаа зогсоох ёстой.
    Барилгачидын талбайн баруун талд хуучин “Туул” рестораны ард байдаг Боловсролын Үнэлгээний Төв өөр боломжтой өчнөөн газар сонгохгүй яагаад заавал Консерваторийн газарт шунаад байгаа хэрэг вэ.
    Энэ луйврын бодлогоо зогсоох хэрэнтэй. Гар хөл нь болсон
    түр орлогчооч татаж авмаөр юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet