17:00 цагийн байдлаар санал өгсөн иргэдийн 55 хувь нь тэгш, сондгойгоор зорчих дугаарын хязгаарлалтыг дэмжихгүй гэжээ

Гэрэл зургийг MPA.mn

ЗХУТ, ТЦА-наас автомашины улсын дугаарын тэгш, сондгойгоор хөдөлгөөнд оролцуулах дугаарын хязгаарлалтыг сунгах хүсэлт ирүүлсний дагуу олон нийтээс санал авсан билээ. 

Иргэд www.ulaanbaatar.mn цахим хуудасны “Санал асуулга” цэсээр болон https://vote.ulaanbaatar.mn/home цахим хуудсаар нэвтэрч “Дан” систем болон гар утасныхаа дугаараар холбогдон саналаа өгөх боломжтой. Саналыг өнөөдөр буюу нэгдүгээр сарын 31-нийг дуустал ажлын гурван өдөр авч, олонхын саналыг үндэслэн шийдвэр гаргах юм.

Өнөөдөр буюу нэгдүгээр сарын 31-ний 17:00 цагийн байдлаар нийт санал өгсөн иргэдийн 55% нь тэгш, сондгойгоор хөдөлгөөнд оролцуулах дугаарын хязгаарлалтыг сунгахыг дэмжихгүй гэсэн байна.