Нэгдсэн стандартын гуравдугаар ээлжийн 24 хотын стандартыг боловсруулж байна

Нийслэлийн засаг даргын зөвлөлийн 2023 оны 20 дугаар хуралдаанаар нэгдсэн стандартын III дугаар ээлжийн 24 хотын стандартыг батлуулахаар танилцуулсан. Үүний дагуу дараагийн шатны бэлтгэл ажлыг хангахаар Нийслэлийн Засаг даргын нэгдүгээр орлогч П.Сайнзоригоор ахлуулсан Ажлын хэсэг өнөөдөр хуралдлаа.

Хурлаар 2024 онд НИТХ-д өргөн барих 24 хотын стандарттай холбоотой мэргэжлийн чиг үүргийн байгууллагуудаас ирсэн санал, мэдээллийг төслийн баримт бичигт тусгахаар шийдвэрлэсэн юм.

Хотын стандартын III дугаар ээлжийн 10 бүлгийн 24 стандартад:

1. Хот төлөвлөлт, хот байгуулалт бүлэгт - 2,

2. “Иж бүрэн гудамж” бүлэгт - 6,

3. Нийгмийн дэд бүтэц бүлэгт – 5,

4. Худалдаа, үйлчилгээний гадна орчин бүлэгт - 3,

5. Барилгын хийц, эзлэхүүн, техник бүлэгт - 2

6. Авто зам, замын байгууламж бүлэгт - 2

7. Үер борооны усны байгууламж бүлэгт - 1,

8. Хог хаягдлын менежмент бүлэгт - 1,

9. Зорчигч тээврийн үйлчилгээ бүлэгт – 1,

10. Чанарын дэд бүтэц бүлэгт - 1 стандарт багтаж буй.

Чанарын дэд бүлгийг Хотын стандартыг боловсруулах заавар гэсэн нэршлээр хэлэлцүүлэх юм.

ХОТЫН СТАНДАРТ, ХЯНАЛТЫН ГАЗАР