ЭХЭМҮТ: Томуу, томуу төст өвчний үед хүүхэд ихээр бөөлжиж байна

Энэ удаагийн томуу, томуу төст өвчний үед хүүхэд их бөөлжиж, халуурч байгааг ЭХЭМҮТ-өөс анхааруулж байна. Мөн суулгалт элбэг тохиолдож байгаа тул эцэг, эхчүүд хэд хэдэн зүйл дээр анхаарах шаардлагатай аж.

Эхний ээлжинд халууралтын байдлыг ажиглах хэрэгтэй. Хүүхдийнхээ гар, хөлийг барихад халуун эсвэл мөлүүхэн, хоёр  хацар нь улайчихсан байвал хүндрэл бага. Харин гар, хөл нь хүйтэн, царай нь цонхийсон цайвар өнгөтэй, амьсгалах бүрдээ яраглаж байвал хүндрэл их байгаагийн шинж юм. Энэ тохиолдолд эмчид очих хэрэгтэй.

Мөн хүүхэд суулгаж эхэлбэл эм өгөхөөс илүү суулгалтын хэмжээгээр хорсол болон ус уулгах хэрэгтэй гэж ЭХЭМҮТ-ийн эмч н.Оюунчимэг зөвлөлөө.