Э.Галбадрах: Хүүхдийн осол гэмтлийн тоо нэмэгдэх хандлагатай байна

Хүйтний улиралд халтиргаа гулгаанаас үүдэлтэй осол гэмтэл нэмэгддэг. Ялангуяа сүүлийн үед халтиргаа гулгааны улмаас гэмтэж бэртсэн бага насны хүүхэд, ахмад настнууд эмнэлэгт хандах нь их байгаа тул албан байгууллагууд ойр орчмынхоо цас мөсийг цэвэрлэж иргэдийг аюулгүй зорчиход туслахыг Гэмтэл согог судлалын үндэсний төвийн захирал Э.Галбадрах эмч зөвлөж байна.

Мөн баяр ёслол болж байгаатай холбоотой архи, согтууруулах ундаа хэтрүүлэн хэрэглэх, улмаар осгож хөлдөх явдал гардаг. Баяр ёслолын өдрүүдэд архи, согтууруулах ундааг зохистой хэрэглэх, хөдөө орон нутаг руу зорчих иргэд автомашиныхаа бэлэн байдлыг хангаж, дулаан хувцаслахад анхаарах хэрэгтэй.
Сургууль, цэцэрлэг амарч байгаа үед түлэгдэх, унаж гэмтэх, хөлдөх осгох эсрдэл нэмэгддэг тул хүүхдэдээ тавих хараа хяналтаа сайжруулахыг эцэг эхчүүдэд уриаллаа.