Эрчим хүчний оргил ачаалал өчигдөр 19:00 цагт 1618 МВт хүрэв

Гэрэл зургийг MPA.mn

Эрчим хүчний системийн 2023 оны арванхоёрдугаар сарын 12-18-ны өдрийн оргил ачааллаас харвал хамгийн их оргил ачаалал 2023 оны арванхоёрдугаар сарын 18-ны өдрийн 19:00 цагт 1618 МВт, хамгийн их импорт 2023 оны арванхоёрдугаар сарын 17-ны өдөр 307 МВт хүрсэн байна.

Аж ахуйн нэгж байгууллагууд халаалтын зардлыг бууруулахын тулд термостат хаалт суурилуулах, тоолуур суурилуулах, шөнийн цагаар, амралтын болон баяр ёслолын өдрүүдэд температурыг бага байлгах, спортоор хичээллэхэд зориулагдсан өрөө, уулзалт, урлагийн танхимын температурыг тохируулах хэрэгтэй.

Ахуйн хэрэгцээнд хэрэглэж байгаа эрчим хүчний 70 %-ийг халаалтад, 15 %-ийг хоол цай чанахад, 5 %-ийг ахуйн цахилгаан техник хэрэгсэл ажиллуулахад, 10%-ийг гэрэлтүүлэгт хэрэглэдэг. Гэр бүлийн цахилгаан эрчим хүчний хэрэглээний 27%-ийг хөргөгчинд, 21%-ийг цахилгаан зууханд, 18%-ийг гэрэлтуүлэгт, 15%-ийг угаалганд,11% -ийг зурагтад, 9 %-ийг бусад ахуйн ахуйн цахилгаан хэрэгсэлд хэрэглэдэг байна.