МУГТ Э.Цэндбаатар мэргэжлийн бокс дахь ээлжит ялалтаа байгуулав

Нью Йорк хотын хамгийн идэвхтэй "Boxing Insider" холбооны хоёр дахь жилийн баярын арга хэмжээ болох "Holiday Fight Night 2" эвентэд явагдаж байгаа сонирхолтой зургаан тулааны нэгд МУГТ Э.Цэндбаатар тулалдсан юм.

Тэрбээр өчигдөр Бүгд Найрамдах Доминикан Улсын боксчин Йохан Васкесийг сүүлийн наймдугаар үед хүнд цохилтоор дутуу гаргаж мэргэжлийн боксд найм, "Boxing Insider" холбоонд дөрөв дэх ялалтаа байгууллаа.

Йохан Васкесын хувьд 25.4.0 амжилтын үзүүлэлттэй бөгөөд бүх өрсөлдөгчөө дутуу гаргаж байснаас гадна нэг ч удаа хүнд цохилтонд орж үзээгүй байжээ.

Э.Цэндбаатар түүнтэй хийсэн тулааныхаа дараа “Ямар ч ко авч үзээгүй, нэг ч удаа нокаутад орж үзээгүй тамирчныг найман үе тулалдаж бүгдэд нь яллаа. Миний рекорд 8:0 боллоо. Өнөөдөр миний өдөр байлаа, оргил тулааныг би хийж чадсан” хэмээсэн байна.