“Squid Game” цуврал 82 сая үзэлттэй “Bridgerton”-ы амжилтыг эвдлээ

“Squid Game” цуврал “Netflix”-ийн хамгийн өндөр үзлэттэй цуврал боллоо. Солонгосын олон ангит “Squid Game” киног гарснаас эхний 28 хоногт 111 сая хэрэглэгч үзсэн нь ижил хугацаанд 82 сая үзэлттэй байсан “Bridgerton”-ы амжилтыг эвджээ.

“Netflix” нь киноны нэг ангийг хоёр минутын турш тоглуулсан бол нэг үзэлт гэж тооцдог байна.

Энэ амжилт нь тус платформын олон улсад зориулсан шоу нэвтрүүлэг хийх зорилго асар их амжилтанд хүрсэн болохыг харуулж байна. “Netflix”-ийн Ази Номхон далайн бүс нутгийг хариуцсан захирал Ким Минёонг “CNN”-д өгсөн ярилцлагадаа “Squid Game” нь бидний хамгийн галзуу мөрөөдлөөс давсан цуврал" гэж хэлжээ.

Есдүгээр сард нээлтээ хийсэн есөн хэсгээс бүрдсэн энэхүү цуврал нь хүүхдийн тоглоомын талбайд цуврал тоглоомонд оролцож буй хүмүүсийн тухай өгүүлдэг. Тоглоомын шагнал 45.6 тэрбум вон бөгөөд хэрэв тоглоомонд ялагдвал амиа алдах болно.

Эх сурвалж: BBC