"Гадагш алдагдсан 2.3 сая иргэний мэдээлэл Хаан банкны харилцагчдынх байх магадлалтай"

Хууль зүйн байнгын хорооны өнөөдрийн хуралдаанаар Хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүдийг хэлэлцсэн юм. Хурлын үеэр УИХ-ын гишүүн Д.Ганбат Монгол Улсын 2.3 сая иргэний мэдээлэл алдагдаж, гадаадын сайтад 700 ам.доллароор зарагдаж байгаа асуудал юу болсон талаар ТЕГ-аас тодруулсан.

Түүний асуултад ТЕГ-ын Мэдээллийн аюулгүй байдлын газрын дарга Э.Эрдэнэ "2.3 сая иргэний мэдээлэл алдагдсан байж болзошгүй мэдээлэл нь аравдугаар сарын 6-нд анх гадны сайтад тавигдсан. ТЕГ-аас ажлын хэсэг гараад шалгаж байгаа. Задарсан мэдээллээс харахад алдагдсан дата нь "Хаан" банкны харилцагчдын мэдээлэл байж болзошгүй байгаа" гэв.