АН: Ардчилсан үндсэн хуулийг батлалцсан депутатуудаа хүлээн авч хүндэтгэл үзүүллээ

Ардчилсан Үндсэн хууль батлагдсаны 30 жилийн ойг тохиолдуулан Монгол Улсын Их Хурлын гишүүн, Ардчилсан намын дарга Одонгийн Цогтгэрэл, Ардчилсан намын Ерөнхий нарийн бичгийн дарга Лувсаннямын Гантөмөр, Ардчилсан намын Хэрэг эрхлэх газрын дарга Буянаагийн Ган-Очир нар 1992 онд Ардчилсан үндсэн хуулийг батлалцсан Ардын их хурлын депутатуудаа хүлээн авч хүндэтгэл үзүүллээ.

1992 оны шинэ Үндсэн хууль бол манай орны нийт хүн амыг нийгмийн анги, давхраа, үзэл бодлоор ялгаварлалгүй, нийтлэг ашиг сонирхлыг нь хамгаалж, хүн төрөлхтний хөгжлийн жам ёсыг баримтлан илэрхийлж, хүний эрх, эрх чөлөөг бататган баталгаажуулсан АРДЧИЛСАН ҮНДСЭН ХУУЛЬ гэдгийг Монголын ард түмэн нийтээр хүлээн зөвшөөрдөг билээ.

Ардчилсан намын нийт гишүүд дэмжигчид, эрх чөлөөний дуу хоолой болсон Монголын ард түмэндээ Ардчилсан үндсэн хууль батлагдсаны 30 жилийн ойн баярын мэндийг хүргэе!