УИХ-ын гишүүн Ц.Анандбазар, Ч.Ундрам нар Хөгжлийн банкнаас авсан зээлээ төлжээ

Өнөөдөр “ӨӨРӨӨР НЬ ТӨЛҮҮЛЬЕ” хэлэлцүүлэг Хөгжлийн банкны зээлийн асуудлаар өрнөж байна. Энэ үеэр Хөгжлийн банкны Экспорт, импорт, худалдааны санхүүжилтийн газрын захирал Б.Амгалан эргэн төлөлт хийгдэж эхэлсэн талаар мэдээлэл өглөө.

Тодруулбал, мэдээлэл цацагдсан нэгдүгээр сарын 20-ны өдрөөс хойш буюу өнөөдрийг хүртэлх 22 хоногийн хугацаанд нийт 39,828,377,135 төгрөгийн зээлийн эргэн төлөлт хийгджээ.

Тухайлбал, УИХ-ын гишүүн Ц.Анандбазарын эзэмшдэг “Сод Монгол групп” ХХК 669.8 сая иен буюу 3.6 тэрбум төгрөгийн зээл төлсөн бол Ч.Ундрам гишүүний аавын эзэмшдэг компани болох "Вояжер минерал ресурсес" ХХК 414.1 сая иен буюу 3.6 тэрбум төгрөгөө өчигдөр барагдуулжээ.