ОРОН НУТАГ

Орон нутагт цас орж, цасан шуурга шуурах төлөвтэй байна

Гэрэл зургийг MPA

Цаг уур, орчны шинжилгээний газраас гаргасан цаг агаарын урьдчилсан төлөв байдлын мэдээгээр энэ сарын 16-20-ны өдрийг хүртэлх хугацаанд  зарим аймагт цас орж,  цасан шуурга болох төлөвтэй байна.

Тухайлбал, 16-ны өдөр баруун болон төвийн аймгуудын нутгийн зарим газраар, 17-нд баруун аймгуудын нутгийн өмнөд хэсэг, төвийн аймгуудын нутгийн баруун хэсгээр, 18-нд баруун аймгуудын ихэнх нутаг, төвийн аймгуудын нутгийн зарим газраар, 19-нд баруун аймгуудын нутгийн зүүн хэсэг, говийн аймгуудын нутгийн хойд хэсэг, төв болон зүүн аймгуудын ихэнх нутгаар цас орж, цасан шуургатай байх аж.

​Энэ хугацаанд агаарын температур хүйтэрч, 18-ны өдөр нутгийн баруун хагаст, 19-ний өдөр нутгийн зарим газраар секундэд 14-16 метр хүртэл ширүүсэж цасан болон шороон шуурга шуурч, авто зам, даваа цасанд хаагдах, халтиргаа гулгаа үүсэж мал аж ахуйн салбарт хүндрэл учирч болзошгүй байна. Иймд сэрэмжлүүлэг мэдээ мэдээллийг малчид, ард иргэдэд шуурхай хүргэх, малаа бэлчээрлүүлэхгүй байх, бага насны хүүхдийг малд явуулахгүй байх, малын хашаа, хороогоо дулаалах, гэр орноо салхи, шуурганаас хамгаалах зэрэг бүрэн бэлтгэлтэй байхыг Аймаг, орон нутгийн Засаг дарга нарт болон малчдадаа анхааруулж байна.    

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet