ЭЕШ-ын онлайн бүртгэл өнөөдөр эхэлж, дөрөвдүгээр сарын 25-ны 18:00 цагт дуусна

2023 оны ЭЕШ-ын онлайн бүртгэл өнөөдөр /2023.02.06/ 09:00 цагт эхэлнэ гэж Боловсролын Үнэлгээний Төвөөс мэдээллээ.

Бүртгэл дөрөвдүгээр сарын 25-ны 18:00 цагт дуусна.

Энэхүү шалгалтад 2023 онд ерөнхий боловсролын сургууль төгсөгчдөөс гадна Монгол Улсын их, дээд сургуулиудад элсэхийг хүссэн хүн бүхэн оролцох боломжтой юм. Монгол хэл, бичгийн шалгалтад бүртгүүлэхдээ энэ оны төгсөгч /2022 онд ЕБС төгсөх шалгуулагч/ бол системд шууд бүртгэгдэнэ.

Харин өмнөх оны төгсөгч /2022 оноос өмнө ЕБС төгссөн/ бол ЭЕШ-д бүртгүүлэхдээ монгол хэл бичгийн шалгалтыг сонгож бүртгүүлнэ. Мөн монгол хэл, бичгийн шалгалт нь үнэ төлбөргүй авах бөгөөд ЭЕШ-ын бүртгэл эхэлж байгаатай холбогдуулан Боловсролын үнэлгээний төвөөс мэдээлэл өгч байна.