USD | 3406
EUR | 3514
CNY | 466.7
RUB | 30.2
JPY | 21.55
KRW | 2.32
Канад улс гар бууны худалдааг царцаах, буутай төстэй тоглоомыг хориглох хууль санаачилжээ
Ерөнхий сайд Жастин Трюдогийн засгийн газар богино голтой бүх галт зэвсгийн хувийн өмчлөлийг царцаах шинэ хууль санаачилжээ. Хууль тогтоомж нь гар буу эзэмшихийг шууд хориглохгүй боловч буу худалдан авахыг хууль бус болгох аж.
Хэдхэн хоногийн өмнө Канадын хөрш АНУ-ын Техас мужийн бага сургуульд 21 хүний аминд хүрсэн халдлага болсон нь Трюдог ийм санал гаргахад хүргэсэн байна.
Даваа гарагт Канадын парламентад өргөн мэдүүлсэн хуулийн төсөлд тус улсын хаана ч гар буу худалдаж авах, худалдан борлуулах, шилжүүлэх, импортлох боломжийг хориглох саналыг тусгажээ.
Трюдо сэтгүүлчдэд хэлэхдээ “Спорт буудлага, ан агнуурт галт зэвсэг ашиглахаас бусад тохиолдолд Канадад өдөр тутмын амьдралдаа буу хэрэглэх шалтгаан байхгүй” гэж хэлэв.
Мөн “Галт зэвсгийн хүчирхийлэл нэмэгдсээр байгааг харж байгаа тул арга хэмжээ авах нь бидний үүрэг юм” гэж хэлжээ.
“Хэрэв бид яаралтай хатуу арга хэмжээ авахгүй бол байдал улам дордож, эсэргүүцэхэд улам хэцүү болох бөгөөд жишээ харахыг хүсвэл өмнө зүг рүү харах хэрэгтэй.”
Түүнчлэн хуулийн төсөлд винтов бууны магазиныг өөрчилж нэг удаад таваас илүүгүй сум ашигладаг болгох шаардлагыг оруулжээ. Мөн гэр бүлийн хүчирхийлэл, гэмт хэрэгт холбогдсон буу эзэмшигчдээс галт зэвсгийн лицензийг нь хураах тухай тусгасан байна.
Өнгөрсөн долоо хоногт Торонтогийн цагдаа нар үрлэн буу барьсан хүнийг буудан хөнөөсөнтэй холбоотойгоор жинхэнэ буутай төстэй зарим тоглоомыг хориглох саналыг оруулжээ.
АНУ-аас ялгаатай нь Канад улсын зэвсэг эзэмших журам илүү хатуу бөгөөд жил бүр галт зэвсэгтэй холбоотой гэмт хэрэг бага бүртгэгддэг. Жишээлбэл, бүх буу түгжээтэй, цэнэггүй байх ёстой бөгөөд галт зэвсэг худалдаж авахыг хүссэн хүн бүр нарийн шинжилгээнд хамрагдах ёстой байна.
Гэвч сүүлийн жилүүдэд олон хүний аминд хүрсэн хэдэн хэрэг гарсны дараа буу зэвсгийн тухай хууль тогтоомжийг улам чангатгах тухай яригдаж эхэлжээ. Тухайлбал 2020 оны дөрөвдүгээр сард Нова Скотид цагдаагийн ажилтны дүрд хувирсан зэвсэгт этгээд гал нээж 22 хүний аминд хүрсэн хэрэг гарсан нь Канадын түүхэн дэх хамгийн олон хүний аминд хүрсэн хэрэг юм.
Үүнээс хэдхэн хоногийн дараа Трюдо 1,500 өөр төрлийн цэргийн болон довтолгооны загварын зэвсгийг нэн даруй хориглож байв.
Эх сурвалж: BBC
Ерөнхий сайд Жастин Трюдогийн засгийн газар богино голтой бүх галт зэвсгийн хувийн өмчлөлийг царцаах шинэ хууль санаачилжээ. Хууль тогтоомж нь гар буу эзэмшихийг шууд хориглохгүй боловч буу худалдан авахыг хууль бус болгох аж.
Хэдхэн хоногийн өмнө Канадын хөрш АНУ-ын Техас мужийн бага сургуульд 21 хүний аминд хүрсэн халдлага болсон нь Трюдог ийм санал гаргахад хүргэсэн байна.
Даваа гарагт Канадын парламентад өргөн мэдүүлсэн хуулийн төсөлд тус улсын хаана ч гар буу худалдаж авах, худалдан борлуулах, шилжүүлэх, импортлох боломжийг хориглох саналыг тусгажээ.
Трюдо сэтгүүлчдэд хэлэхдээ “Спорт буудлага, ан агнуурт галт зэвсэг ашиглахаас бусад тохиолдолд Канадад өдөр тутмын амьдралдаа буу хэрэглэх шалтгаан байхгүй” гэж хэлэв.
Мөн “Галт зэвсгийн хүчирхийлэл нэмэгдсээр байгааг харж байгаа тул арга хэмжээ авах нь бидний үүрэг юм” гэж хэлжээ.
“Хэрэв бид яаралтай хатуу арга хэмжээ авахгүй бол байдал улам дордож, эсэргүүцэхэд улам хэцүү болох бөгөөд жишээ харахыг хүсвэл өмнө зүг рүү харах хэрэгтэй.”
Түүнчлэн хуулийн төсөлд винтов бууны магазиныг өөрчилж нэг удаад таваас илүүгүй сум ашигладаг болгох шаардлагыг оруулжээ. Мөн гэр бүлийн хүчирхийлэл, гэмт хэрэгт холбогдсон буу эзэмшигчдээс галт зэвсгийн лицензийг нь хураах тухай тусгасан байна.
Өнгөрсөн долоо хоногт Торонтогийн цагдаа нар үрлэн буу барьсан хүнийг буудан хөнөөсөнтэй холбоотойгоор жинхэнэ буутай төстэй зарим тоглоомыг хориглох саналыг оруулжээ.
АНУ-аас ялгаатай нь Канад улсын зэвсэг эзэмших журам илүү хатуу бөгөөд жил бүр галт зэвсэгтэй холбоотой гэмт хэрэг бага бүртгэгддэг. Жишээлбэл, бүх буу түгжээтэй, цэнэггүй байх ёстой бөгөөд галт зэвсэг худалдаж авахыг хүссэн хүн бүр нарийн шинжилгээнд хамрагдах ёстой байна.
Гэвч сүүлийн жилүүдэд олон хүний аминд хүрсэн хэдэн хэрэг гарсны дараа буу зэвсгийн тухай хууль тогтоомжийг улам чангатгах тухай яригдаж эхэлжээ. Тухайлбал 2020 оны дөрөвдүгээр сард Нова Скотид цагдаагийн ажилтны дүрд хувирсан зэвсэгт этгээд гал нээж 22 хүний аминд хүрсэн хэрэг гарсан нь Канадын түүхэн дэх хамгийн олон хүний аминд хүрсэн хэрэг юм.
Үүнээс хэдхэн хоногийн дараа Трюдо 1,500 өөр төрлийн цэргийн болон довтолгооны загварын зэвсгийг нэн даруй хориглож байв.
Эх сурвалж: BBC
Санал болгох
8 цаг
Дээш