Хан-Уул дүүрэгт шинээр барьж байсан барилгаас хоёр хүн унаж, нэг нь амиа алдсан хэрэг гарлаа

Цагдаагийн байгууллагад өнөөдөр (2022.06.23) 16:00:25 цагт “Хан-Уул Дүүрэг 17-р хороо "Маршил таун" хотхон дотор барилгын өргүүрт сууж явсан хоёр хүн унасан. Нэг нь нас барсан гэх” дуудлага иржээ.

Дуудлагын дагуу мөрдөн шалгах ажиллагааг цагдаагийн байгууллагаас явуулж байна. Шалгалтаар тус дүүргийн 17 дугаар хороо "Маршал таун" хотхоны хашаан дотор, урд хэсэгт шинээр баригдаж байгаа барилгын зургаан давхарын гадна шилэн пасад хийж байсан ажилтан “Б” (эрэгтэй) 37 настай, 35 настай "Э" нар доош унасан нь тогтоогдсон байна. Иргэн “Б” нь нас барж, “Э” нь 103-аар эмнэлэгт хүргэгджээ.

Тус хэргийг ХУД-ийн цагдаагийн 1-р хэлтэс шалгаж байна.