COVID-19

Я.Содбаатар: I төрөхөөс ХӨСҮТ рүү шилжүүлсэн эмэгтэйд дэндүү хүнлэг бус харьцсанд уучлал хүсэж байна

I төрөх буюу “Өргөө” амаржих газарт өчигдөр амаржсан эхээс коронавирусийн халдвар илэрсэн билээ. Иймд тус эмэгтэйг нярайн хамт ХӨСҮТ рүү шилжүүлсэн юм. Харамсалтай нь тухайн бүсгүйг хөхөө өвлийн хүйтэнд халад, тавчигтай нь гаргаж буй дүр зураг цахим орчинд тархаж, иргэдийн дугүйцлийг төрүүлэв.

Үүнтэй холбогдуулан Шадар сайд Я.Содбаатар тус эмэгтэйгээс уучлал хүслээ.

Тэрбээр өөрийн цахим худсаар дамжуулан “Иргэнийг I төрөхөөс ХӨСҮТ-д шилжүүлэн тээвэрлэхдээ дэндүү хүнлэг бус харьцсанд УОК- ын даргын хувьд тухайн эмэгтэй болон түүний ар гэрийнхнээс уучлал хүсэж байна.

Гүйцэтгэл дээр алдаа гаргасан, хүнлэг бус харьцсан холбогдох хүмүүст хариуцлага тооцохыг Эрүүл мэндийн сайдад үүрэг болголоо. Бид хамтдаа аюулт цар тахалтай тэмцэж байна. Гэхдээ аливаа асуудалд иргэнтэй харьцахдаа хүнлэг ёсоор хандаж , ажилдаа сэтгэлээсээ хандах нь төр түмэндээ тангараг өргөсөн төрийн албан хаагчдын үүрэг гэдгийг ухамсарлах хэрэгтэй. Хэчнээн хүнд амаргүй цаг үед ч гэлээ хүн чанар, хүнлэг ёсыг алдаж болохгүй. Монголчууд бид хамтдаа л энэ цагийг даван гарна. УОК, ЭМЯ холбогдох төрийн байгууллагуудын гүйцэтгэл дээр гарч байгаа болон хүний хүчин зүйлээс шалтгаалсан алдаа гарч байгаад дахин уучлал хүсье. УОК иргэдийн санал бодлыг байнга сонсож ажиллаж байгаа бөгөөд цаашид ч хамтран ажиллана гэдгээ илэрхийлж байна” гэжээ.

2 сэтгэгдэл

  1. Dek

    2021-01-20

    Uuchlal guigaad bolchih hereg uu!!!!!

  2. od

    2021-01-20

    ingeed uuchlal hvsheer bolchihdog hereg vv darga nariin ohin ehnervvd ni bsn bol yah we araichdee heleh vg alga

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet