Нэнси Пелосигийн нислэг Филиппиний ойролцоо нисэж байна

Тайванийн Ерөнхийлөгчийн тамгын газрын цахим хуудас өнөөдөр хакерын халдлагад өртсөн байна. Цахим хуудас хэсэг хугацаанд ажиллагаагүй болж доголдсоныхоо дараа дахин хэвийн ажиллаж эхэлжээ. Үүнийг АНУ-ын Төлөөлөгчдийн танхимын дарга Нэнси Пелосигийн айлчлалтай холбоотой байж болзошгүй байна.

Хятадын талаас уг айлчлалыг буруушааж, ноцтой үр дагавар дагуулахыг АНУ-д удаа дараа анхааруулаад байгаа.

Пелосиг орон нутгийн цагаар 22:20 цагт Тайпэйд газардах тухай өмнө нь эх сурвалжууд мэдээлсэн бол одоогоор нислэгийн хяналтын “Flightradar24” сайтаас үзвэл түүний зорчиж байж болзошгүй АНУ-ын нисэх хүчний онгоц Филиппиний ойролцоо нисэж байна.

Филиппиний Агаарын цэргийн хүчин болон Гадаад харилцааны яам АНУ-аас Пелосигийн айлчлалтай холбоотой мэдэгдэл эсвэл дамжин өнгөрөх хүсэлтийг ирүүлээгүй тухай мэдэгджээ.

Филиппиний нийслэл Манила хотоос Тайванийн нийслэл Тайпэй хүртэл ердийн нислэг хоёр цаг орчим үргэлжилдэг байна.

Эх сурвалж: Dimsum Daily, Reuters