COVID-19

ДЭМБ-ын мэргэжилтнүүд Уханьд очжээ

Коронавирусийн халдварын гарал, тархалтын талаар судлах ДЭМБ-ын мэргэжилтнүүд БНХАУ-ын Хубэй мужийн Ухань хотод очсон байна. Тэд Сингапураас “Scoot” компанийн онгоцоор Уханьд очсон бөгөөд 14 хоногийн хугацаагаар тусгаарлагдах юм байна. Тусгаарлалтад байх хугацаандаа мэргэжилтнүүд БНХАУ-ын мэргэжилтнүүдтэй цахим уулзалт, зөвлөгөөн хийж, судалгааныхаа бэлтгэлийг хангах аж.

ДЭМБ-ын тэргүүн Тедрос Гебрейесус өмнө нь тус байгууллагын мэргэжилтнүүдийг БНХАУ хилээрээ нэвтрүүлээгүй талаар мэдэгдсэн юм. Шинэ төрлийн коронавирусээр үүсгэгдсэн “COVID-19” халдвар анх Ухань хотод гарч, ДЭМБ  өнгөрсөн оны гуравдугаар сард цар тахал хэмээн зарласан билээ.

Ташрамд, одоогоор дэлхий даяар 92 сая хүн коронавирусийн халдвар аваад байгаа бөгөөд энэ оны сүүлч гэхэд цар тахал намжиж, халдварыг хумьж чадна гэж ХБНГУ-ын Роберт Кохын хүрээлэнгийн тэргүүн Лотар Вилер мэдэгджээ. Гэхдээ ингэхийн тулд хөл хорио, тусгаарлалтын дэглэм сахиж, ариутгал халдваргүйтгэлийг сайн хийх шаардлагатай гэж тэрбээр хэлж буй.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet