ДЭЛХИЙН МЭДЭЭ

Дональд Трамп Хятадын дөрвөн компанид хориг тавилаа

АНУ-ын Ерөнхийлөгч Дональд Трамп БНХАУ-ын дөрвөн компанид хориг тавьсан тухай “The Wall Street Journal” мэдээллээ.

Төлбөр, тооцооны цахим гүйлгээ үйлчилгээ үзүүлдэг, Хятадын зах зээлд үүгээрээ тэргүүлэгч “Алипэй”, “Вичат пэй” зэрэг найман системийн гүйлгээг энэхүү хоригийн дүнд хязгаарлахаар болов.

Америкийн Төрийн тэргүүний үзэж буйгаар, дээрх системүүдэд орж буй америк хэрэглэгчдийн мэдээллийг Хятадын эрх баригчид ард иргэдийг нь тагнахдаа ашиглаж болох тул ийм шийдвэр гаргасан аж. Гэвч энэхүү хориг 45 хоногийн дараа хүчин төгөлдөр болох бөгөөд тэр үед АНУ-ын шинэ Ерөнхийлөгч Жо Байден тангаргаа өргөн, ажлаа хүлээн авсан байх юм. Хэрэв шинэ Ерөнхийлөгч хүсвэл Дональд Трампын тавьсан хоригоос татгалзах эрхтэй.

Ташрамд, хятад компаниудын хувьцааг Америкийн биржүүд дээр гаргахыг хориглосон хуулийн төслийг Конгрессын Төлөөлөгчдийн танхим баталсан билээ.

Эх сурвалж: The Wall Street Journal

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet