Нөмрөгийн ДЦГ-т гарсан түймрийн хохирлыг лабораторийн шинжилгээгээр тогтооно

Эрдэмтэн, судлаачдын баг Нөмрөгийн ДЦГ-ын хүрэхэд хүндрэлтэй бүс болох Соёлз уул, Галдастайн гол, Цэцэгт уул, Зараа уул, Бичигт толгой, Орч уул орчмын бүсэд хээрийн судалгаа хийж, дээж материал цуглуулах ажлаа өнөөдөр дуусгалаа.

Ургамлын үндэсний систем, хөрсний органик үе давхарга, хөрсний үржил шим, экосистемийн нөхөн сэргэх чадавх хэр хэмжээнд өөрчлөгдсөнийг лабораторийн шинжилгээгээр нарийвчлан тогтооно.Иймд хээрийн судалгааны явцад цуглуулсан дээжүүдэд лабораторийн шинжилгээ хийж, ургамлын үндэс, органик хэсгүүд шатсан эсэх, хөрсний шинж чанарын өөрчлөлт болон экосистемд үзүүлсэн нөлөөллийг тодорхойлсны дараа түймрийн улмаас учирсан хохирлын эцсийн үнэлгээг гаргана.