ДОРНОГОВЬ: Бэлчээрийн усан хангамжийг нэмэгдүүлж 13 худаг шинээр гаргажээ

Гэрэл зургийг MPA.mn

Энэ онд Айраг суманд улсын төсвийн 108 сая төгрөгийн хөрөнгө оруулалтаар инженерийн хийцтэй гурван худаг, Даланжаргалан, Хатанбулаг суманд Орон нутгийн хөгжлийн сангийн 98,8 сая төгрөгийн хөрөнгө оруулалтаар есөн худаг,  Хөвсгөл суманд бусад хөрөнгө оруулалтаар нэг худаг нийт 13 худаг шинээр гаргажээ.

Үүний үр дүнд 16.9 мянган га бэлчээрийг усжуулж, 24.1 мянган толгой мал услах боломж бүрдсэн байна.

Өнгөрсөн онд аймгийн хэмжээнд инженерийн хийцтэй 13, энгийн уурхайн 10 худаг шинээр гаргаж, сэргээн засварласнаар 29.5 мянган га бэлчээрийг усжуулж, 35.3 мянган толгой мал услах боломж бүрдүүлжээ.

Дорноговь аймаг бэлчээрийн усан хангамжийг нэмэгдүүлэх зорилгоор жилд дунджаар 10 орчим худаг гаргаж байна.

Тус аймгийн 14 суманд 4226 малчин өрхийн 1,6 сая буюу хонин толгойд шилжүүлснээр 3.0 сая толгой мал намаржиж буй.