Х.Бадамгэрэл: Энэ зүгээр нэг миссийн тэмцээн, нэг эмэгтэйтэй холбоотой асуудал биш. Монгол Улсын тусгаар тогтнолтой холбоотой зүйл

Топ модель Х.Бадамгэрэл гадаадын иргэн Монгол Улсын нэр дээр миссийн тэмцээнд оролцож байгаа асуудлаар мэдээлэл өглөө. 

Х.Бадамгэрэл: "Олон улсын миссийн тэмцээнд тодорхой хэмжээний таксаа төлөөд оролцох эрх үүсдэг, Монгол Улс энэ тэмцээнд оролцоогүй. Дээрх асуудлаар ССАЖЗ-ын сайд Ж.Алдаржавхлантай уулзсан. Сайд албан ёсоор цаад улсад хүсэлт, шаардлагаа тавьсан байгаа юм байна. Гадаад харилцааны яам ч гэсэн оролцоод эхэлсэн байна. Энэ зүгээр нэг мисс эмэгтэйтэй холбоотой асуудал биш, Монгол Улсын тусгаар тогтнолтой холбоотой зүйл учир бид дуугарч байна. Тухайн эмэгтэйг харагдах байдал, царай зүс, улсаар нь шүүмжилж болохгүй, тухайн эмэгтэйг шүүмжлэхээс илүү Монгол Улсын нэрийг бариад явж байна гэдэг дээр шүүмжлэх нь зөв шүү. Хувь хүн рүү нь битгий дайраарай, тэр нь эргээд Монголчуулыг муухай харагдуулна" гэлээ.