Гэрэл зургийг MPA.mn

Тулгар төрийн 2235 жил, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойд зориулсан Үндэсний их баяр наадмын хүчит бөхийн барилдааны хоёрын даваа эхэллээ. Өчигдөр улсын цолтой зургаан бөх наадмаа өндөрлүүлэв. Зүүн талыг дархан аварга Г.Өсөхбаяр, барууныг дархан аварга Н.Батсуурь нар магнайлан хоёрыг давааг эхлүүлж байна. 

Үндэсний их баяр наадмын нэгийн даваанд улсын цолтой 4 бөх уналаа. Улсын начин Ц.Анхбаяр, Б.Суманчулуун, Н.Даваасамбуу, Х.Цогтгэрэл нар сумын цолтой бөхчүүдэд өвдөг шороодлоо. Харин  улсын харцага Г.Батбаяр, начин Б.Баатарцол нар барилдаагүй тул сумын начин Х.Амгаланбаатар, залуу бөх Г.Алтангэрэл нар нэг давлаа. Наадамд барилдахаар бүртгэлээ хийлгэсэн ч цагтаа ирж зодоглоогүй бөх байсан бөгөөд учраа бөх нь сул нэг даваа авсан байна.