“Оюутолгой” төслийн менежментийн төлбөрийг хоёр дахин багасгах тохиролцоонд хүрлээ

Монгол Улсын Ерөнхий сайдын 68 дугаар захирамжаар байгуулагдсан Оюутолгой төслийн менежментийн төлбөрийн хувь хэмжээг бууруулах үүрэг бүхий ажлын хэсэг хөрөнгө оруулагч тал “Рио Тинто”-той хэлэлцээ хийж байна. 

“Засгийн газар Оюутолгойн хэлэлцээрт эхний амжилт, үр дүнг гаргаж чадлаа” гэдгийг Ерөнхий сайд Н.Учрал мэдэгдлээ. 

Аж үйлдвэр, эрдэс баялгийн сайд Г.Дамдиннямын ахалсан Ажлын хэсэг “Рио Тинто” групптэй “Оюутолгой” төслийн менежментийн төлбөрийг хоёр дахин багасгаж, төлбөрийн давхардлыг арилгах тохиролцоонд хүрчээ. Ингэснээр төлбөрийн зардал 2.2 тэрбум ам.доллароор буурч, Монгол Улсын өгөөж 1.5 тэрбум ам.доллароор нэмэгдэнэ.

Ерөнхий сайд Н.Учрал: Оюутолгой төслийн менежментийн төлбөрийн хувь хэмжээг хоёр дахин буулгалаа

Ерөнхий сайд Н.Учрал: Оюутолгой төслийн менежментийн төлбөрийн хувь хэмжээг хоёр дахин буулгалаа

"Ажлын хэсэг үр дүнтэй хэлэлцээр хийлээ. Ерөнхий сайд энэ сайн мэдээг ард түмэндээ танилцуулна"

Оюутолгойн хөрөнгө оруулалтын гэрээг сайжруулах хэлэлцээрийн талаар мэдээлэл өглөө. "Ажлын хэсэг үр дүнтэй хэлэлцээр хийлээ. Ерөнхий сайд энэ сайн мэдээг ард түмэндээ танилцуулна"

АҮЭБ-ийн сайд Г.Дамдинням: Асуудлыг хурдан шийдэхгүй бол дараагийн хэлэлцээр гэж байхгүй гэсэн шаардлага тавьсан

Гэрэл зургийг MPA.mn

Монгол Улсын Ерөнхий сайдын 68 дугаар захирамжаар байгуулагдсан Оюутолгой төслийн менежментийн төлбөрийн хувь хэмжээг бууруулах үүрэг бүхий ажлын хэсэг хөрөнгө оруулагч тал “Рио Тинто”-той хийж буй хэлэлцээ эхэллээ.

Хэлэлцээ Аж үйлдвэр, эрдэс баялгийн яамны хурлын зааланд болж буй. Монголын талаас ажлын хэсгийг ахалж буй Аж үйлдвэр, эрдэс баялгийн сайд Г.Дамдиннямын зүгээс хөрөнгө оруулагч тал “Рио Тинто”-той хийж буй менежментийн төлбөрийг бууруулах, олон улсын жишигт хүргэх хэлэлцээг үр дүнд хүргэнэ гэсэн байр суурь илэрхийллээ.
Тэрбээр “Рио Тинто”-той хийж буй өнөөдрийн хэлэлцээ бидний дөрөв дэх уулзалт болж байна. Манай ажлын хэсгээс хамгийн сүүлд захидалдаа нэлээн хатуу шаардлага тавьсан. Асуудлыг шуурхай шийдвэрлэхгүй бол дараагийн хэлэлцээ байхгүй гэсэн зарчмын шаардлага тавьж байна. Хөрөнгө оруулагчид Монголын ард түмэн, Засгийн газар, бидэнд итгэж найдаж буй олон түмэнд сайн мэдээ дуулгахыг хичээнэ” гэлээ. Үргэлжлүүлэн хэлсэн үгэндээ “Хэлэлцээг үр дүнд хүргэнэ” гэсэн юм.

Сайд Г.Дамдиннямын хэлснээр менежментийн төлбөрийг тодорхой хэмжээнд бууруулах үүрэг чиглэлийг Засгийн газраас өгчээ. Тэрбээр “Бидний зүгээс хэлэлцээг аль болох хурдан хугацаанд шийдвэрлэх байр суурьтай байна. Хөрөнгө оруулагч талаас дөрвөн удаагийн уулзалтад Монгол Улсын Засгийн газраас надад өгсөн үүрэг даалгаврыг биелүүлэх хэмжээнд хариу өгөөгүй учир зөвшөөрөөгүй. Монгол Улсын Ерөнхий сайд асан Г.Занданшатар, Ерөнхий сайд Н.Учрал нарын байр суурь ижил. Монгол Улсын Засгийн газрын байр суурь өөрчлөгдөөгүй” гэв.