ГОВЬ-АЛТАЙ: Өндөржүүлсэн бэлэн байдлын зэрэгт шилжив

Говь-Алтай аймгийн Онцгой байдлын газрын өндөржүүлсэн бэлэн байдлын зэрэгт шилжлээ

Сар шинийн баяр, амралтын өдрүүдийг тохиолдуулан Онцгой байдлын ерөнхий газрын даргын хоёрдугаар сарын 4-ний өдрийн А/26, Говь-Алтай аймгийн Онцгой байдлын газрын даргын 2026 оны 02 дугаар сарын 12-ны өдрийн А/07 дугаар тушаалаар албаны өндөржүүлсэн бэлэн байдлын зэрэгт шилжлээ.

Өндөржүүлсэн бэлэн байдлын зэрэгт шилжсэнтэй холбогдуулан “Онцгой байдлын байгууллагын бэлэн байдлын удирдамж”-ын хэрэгжилтийг хангаж, Онцгой байдлын газрын бие бүрэлдэхүүнийг 07:00 цагт цуглар “Улбар шар” кодоор ажиллуулж, алба хаагчдын хувийн үүргэвч, гал түймэр унтраах болон шуурхай албаны автомашины бэлтгэл бэлэн байдлыг шалган бэлэн байдлыг хангасан байна.

Баярын өдрүүдэд болзошгүй эрсдэл, аюул ослоос урьдчилан сэргийлэх, иргэдийн аюулгүй байдлыг ханган ажиллах талаар үүрэг чиглэл өгөв. МӨн алба хаагчид хариуцлага, сахилга батыг чанд сахин, бэлэн байдлыг бүрэн хангаж, үүрэг гүйцэтгэхэд онцгой анхаарч ажиллах юм.