УЛС ТӨР

Б.ЖАВХЛАН: НӨАТ-ын буцаан олголтын хоёр хувийг нэмэхгүй

Засгийн газрын ээлжит хуралдаанаас гаргасан шийдвэрийн талаар Засгийн газрын гишүүд танилцуулах үеэр Сангийн сайд Б.Жавхлан НӨАТ-ын буцаан олголтын хоёр хувийн талаар тайлбар өглөө.

Тэрбээр “Би буруу ойлгогдохоор ярьсан байхыг үгүйсгэхгүй. НӨАТ-ын буцаан олголтын хувь хэмжээг нэмэхгүй. Ойрын хугацаанд нэмэх бодлого чиглэл гарахгүй. НӨАТ-ын 10 хувьд ч мөн адил өөрчлөлт орохгүй. Ойрын жилүүдэд буюу цаашид НӨАТ-ын төлөлт 10 хувь, буцаан олголт хоёр хувь гэсэн хэмжээ өөрчлөгдөхгүй. Ирэх 2022 оны улсын төсвийн орлогыг тооцоолохдоо НӨАТ-ын 10 хувийг тооцож, оруулсан. Буцаан олголтын хоёр хувийг зарлагад тусгаад байгаа.

НӨАТ бол олон улсын татврын сонгодог хэлбэр. 168 улсад энэ хэлбэрийн татвар байдаг. Манай улс уг татварын хувь хэмжээгээр хамгийн бага буюу дээрх улс орноос 130-д ордог. Тэгэхээр цаашид найман хувийг багасгах гэхээсээ илүү татвар төлөлтийн суурийг тэлэх нь зүйтэй. НӨАТ-ын хамрагдалт анх эхэлж байх үедээ 45 хувьтай байсан. Харин одоо 67 хувь болоод байна. Өөрөөр хэлбэл, цаана нь далд эдийн засгийн хувь 30 гаруй байна гэсэн үг” гэв.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet