ДЭЛХИЙН МЭДЭЭ

Хятадын Шаньси мужид 1.7 сая хүн үерийн гамшигт өртжээ

Өнгөрсөн долоо хоногт Хятадын хойд нутгийн Шаньси мужид болсон үерийн гамшигт 1.76 сая гаруй хүн өртсөн гэж орон нутгийн хэвлэл мэдээлэв. Шаньси мужийн төв Тайюан хотод өнгөрсөн долоо хоногт дунджаар 185,6 мм хур тунадас орсон бол 1981-2010 оны аравдугаар саруудад дунджаар 25 мм хур тунадас орж байжээ.

Эрх баригчид Синьхуа агентлагт өгсөн мэдээллээр 120,000 гаруй хүнийг яаралтай нүүлгэн шилжүүлсэн бөгөөд Шаньси муж даяар 17,000 байшин нурж, 70 гаруй дүүрэг, хотуудад хөрсний нуралт үүсжээ. Газар хөдлөлтийн улмаас дөрвөн цагдаагийн албан хаагч амиа алдсан тухай төрийн мэдлийн “Global Times” мэдээлсэн боловч бусад хохирогчдын талаар мэдээлэл хийгээгүй байна. Мөн Хятадын цаг уурын газраас орон нутгийн хэвлэл мэдээллийн хэрэгслүүдэд аадар бороо удаан үргэлжилсэн нь аврах ажилд саад болж байна гэж мэдэгдэв.

Шаньси бол нүүрс олборлогч томоохон муж бөгөөд борооны улмаас уурхай, химийн үйлдвэрүүдийн үйл ажиллагааг зогсоохоос өөр аргагүйд хүрсэн байна. Ингэснээр эрчим хүчний хомсдолд ороод байгаа тус улсын нөхцөл байдлыг улам хүндрүүлэх төлөвтэй байна.  Орон нутгийн засаг захиргаа тус мужийн нүүрсний 60 уурхай, нүүрсний бус 372 уурхай, химийн аюултай 14 үйлдвэр үйлдвэрлэлээ зогсоосон гэж мэдэгджээ.

Түүнчлэн Шаньси хотод эртний дурсгалт газрууд олон байдаг нь хур тунадасны улмаас ихээхэн эрсдэлд ороод байна.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet