Израил Газ руу газраар довтолж эхэллээ

Израилын арми Газыг эзлэх төлөвлөгөөнийхөө дагуу газрын довтолгоо эхлүүлжээ. Ингэснээр тэд хот руу агаараар ч, газраар ч цохилт өгч байгаа бөгөөд сүүлийн 24 цагт 59 хүн амиа алдаад байгааг Палестины тал мэдэгдэв.
Израилын Ерөнхий сайд Биньямин Нетаньяху энэ довтолгоог “ХАМАС-ын томоохон түшиц газар руу чиглэсэн ажиллагаа” хэмээсэн бөгөөд одоогоор Газаас 350 мянган оршин суугч дүрвэж, 500 мянга гаруй хүн хотод үлдсэн гэж таамаглаж байна.

Олон улсын байгууллагууд энэхүү довтолгоог буруушааж, НҮБ-ын хүний эрхийн комиссар Волкер Түрк “Байж боломгүй” хэмээн шүүмжилжээ. Мөн Турк, Герман зэрэг орнууд дипломат аргаар тохиролцоонд хүрэх ёстой гэж үзэж байгаа бол АНУ-ын Төрийн нарийн бичгийн дарга Марко Рубио Израилын үйл ажиллагааг дэмжиж буйгаа илэрхийлсэн байна.

Эх сурвалж: BBC