БАЙГАЛЬ ОРЧИН

“ЦӨЛЖИЛТ МОНГОЛД” гэрэл зургийн уралдаан зарлалаа

Гэрэл зургийг MPA.mn

Монгол орон дэлхийн дулаарал, уур амьсгалын өөрчлөлтөд эрчимтэй өртөж буй 10 орны нэгд тооцогддог. 2020 оны байдлаар Монгол орны нийт нутаг дэвсгэрийн 76.9 хувь буюу 120.3 сая га талбай доройтсон байдаг. Цөлжилт энэ эрчээрээ үргэлжилвэл 2080 он гэхэд Хэнтий, Хөвсгөл аймгийн нутгаас бусад хэсэг цөлжилтөнд өртөж, ургамал ургах чадваргүй болно гэсэн урьдчилсан тооцоо бий.

Иймд Монгол Улсын Ерөнхийлөгч У.Хүрэлсүх байгаль орчны доройтол, цөлжилт, шар шороон шуургатай тэмцэх зорилгоор Монгол Улс 2030 он гэхэд нэг тэрбум мод тарьж ургуулахаар төлөвлөснийгНҮБ-ын Ерөнхий ассамблейн 76 дугаар чуулганд оролцохдоо мэдэгдэж, “Тэрбум мод” үндэсний хөдөлгөөнийг албан ёсоор эхлүүлсэн билээ.

Тэгвэл цөлжилтийн нөхцөл байдлыг олон нийтэд таниулах, хор уршгийн бодит нөхцөл байдлыг иргэдэд харуулах зорилгоор Ерөнхийлөгчийн Тамгын Газар, БОАЖЯ, Монголын гэрэл зурагчдын нэгдсэн холбоо хамтран “ЦӨЛЖИЛТ МОНГОЛД” гэрэл зургийн уралдааныг мэргэжлийн гэрэл зурагчид болон гэрэл зураг сонирхогчдын дунд зарлаж байна.

ГЭРЭЛ ЗУРГИЙН БҮТЭЭЛИЙН АГУУЛГА
Монгол орны цөлжилтийн нөхцөл байдал орон нутгийн иргэдийн амьдралд, нийслэлд, ургамал, ан амьтанд хэрхэн сөргөөр нөлөөлж байгааг тусгасан байх.

БҮТЭЭЛИЙН ТЕХНИКИЙН ШААРДЛАГА
Уралдаанд ирүүлж байгаа бүтээл нь зохиогч болон бүтээлийн нэртэй байна. Оролцогч бүр тав хүртэлх бүтээлээ ирүүлж болно.
Зургийн формат JPEG, файлын хэмжээ 50MB-аас хэтрэхгүй байна. Зургийн үндсэн агуулга, дүрсийг өөрчлөлгүйгээр засвар хийж болно.
Зохиомол, дэвсгэрийг сольсон, зүйсэн нийлмэл зургийг хүлээн авахаас татгалзана. Зурагчин өөрийн овог нэр, холбоо барих и-майл хаяг, утасны дугаараа ирүүлсэн байх ёстой. Бүтээлүүдийг нийтийн хүртээл болгох үүднээс зурган дээр бүтээгчийн овог, нэрийг тамгалан цахим орчинд сурталчилна. Уралдаанд ирүүлсэн фото зургуудын зохиогчийн эрх тухайн зурагчинд хадгалагдах болно. Уралдаанд шалгарсан зургуудын зохиогчийн эрх ЕТГ-т шилжинэ.
Уралдаанд шалгарсан оролцогчидтой утсаар/и-мэйлээр холбоо барих бөгөөд МГЗНХ-ны facebook болон вебсайт дээр зарлах болно.

ШАГНАЛЫН САН: Нийт шагналын сан 10 сая төгрөг.
I байр 4 сая төгрөг.
II байр 3 сая төгрөг
III байр 2 сая төгрөг
Тусгай байр хоёр, тус бүр 500,000 төгрөг.

ШҮҮГЧДИЙН БҮРЭЛДЭХҮҮН
– ЕТГ
– БОАЖЯ
– МГЗНХ

БҮТЭЭЛ ХҮЛЭЭН АВАХ ХУГАЦАА
2021 оны 10.06-10.13-ны өдрийн 20.00 цаг хүртэл Tsuljiltmongold@gmail.com хаягаар хүлээн авна.
Утас: 90109300

2 сэтгэгдэл

  1. Wallah

    2021-10-06

    9 honog heterhii bga hugatsaa baina!!!

  2. Билэгт

    2021-10-12

    Иймэрхүү уралдаануудыг урдчилан хэсэг нөхөд мэдэж өөрсдөө бэлтгэчихээд цагийг нь дөхүүлээд нийтэд зарладаг, шалгаруулалт нь шударга бус, СГЗ Цацрал тэргүүтэй мафижсан нөхдүүдийн хийдэг ажил. Иймд шүүгчийн бүрэлдхүүнийг анхаарах хэрэгтэй шүү.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet