ФОТО: МУГТ Э.Цэндбаатар маргааш эх орондоо аваргын бүсээ хамгаалах тулаан хийнэ

Монголд анх удаа зохион байгуулж буй мэргэжлийн боксын WBA холбооны Төв Азийн аваргын бүсний төлөөх “Night of Champions, Ulaanbaatar-2025” тулааны жингийн үзлэг өнөөдөр боллоо. Тамирчдын тулаан маргааш болох юм.

Эвентийн нэр: NIGHT OF CHAMPIONS
Эвентийн өдөр: 2025.02.15
Эвент эхлэх цаг: 17:00
Болох газар: ASA ARENA

Дэлхийн мэргэжлийн боксын рингэнд эх орныхоо нэрийг өндөрт өргөн тулалдаж байгаа МУГТ Эрдэнэбатын Цэндбаатарын WBA холбооны Төв Азийн аваргын бүс хамгаалах тулаан 2025.02.15-нд ASA Arena-д зохиогдоно.

Гэрэл зургийг MPA.mn

Уг эвент нь Монгол тамирчин эх орондоо анх удаа аваргын бүс хамгаалах тулаан хийж байгаагаараа онцлогтой. 

Мөн энэхүү тэмцээнд Олимп, ДАШТ-ий мөнгөн медальт, мэргэжлийн боксын IBO холбооны дэлхийн аварга, МУГТ Н.Төгсцогт тулалдаж байгаагаараа онцлогтой юм. Түүний хувьд 2015 онд мэргэжлийн бокст хөл тавьсан бөгөөд нийт 15 тулаан хийж 12 ялж, 2 ялагдаж, 1 тэнцээд байна. 

Мөн Монголын энэ цаг үеийн жин тус бүрийн шилдэг 6 боксчин ОУ-ын чансаа өндөр 6 мэргэжлийн боксчинтой халз тулалдаж, Монгол боксчдын ур чадвар, чанар чансааг олон улсад таниулан сурталчлах юм.

Э.Цэндбаатар \MGL\ vs Педро Бернал \MEX\
Н.Төгсцогт \MGL\ vs Марк Антони \PHI\
Б. Төгөлдөр \MGL\ vs Рахматиллоён Шарифов \UZB\
Б. Мишээлт \MGL\ vs Сунил Кумар \IND\
О.Бямба-Эрдэнэ \MGL\ vs Руслан Кириченко \RUS\
X.Бекнур \MGL\ vs Токтосун Уулу Бекболсун \KGZ\
Э.Баярсайхан \MGL\ vs Ибрахим Абдуллаев \UZB\
X.Энх-Амар \MGL\ vs Майкл Эскобиа \PHI\

Гэрэл зургийг MPA.mn