СҮХБААТАР: Өвс ачсан машин шатжээ

Түвшинширээ сумын төвд өвс ачсан машин бүхэлдээ шатсан хэрэг өчигдөр гарчээ.

Тодруулбал, том оврын авто машинаар өвс тээвэрлэх үедээ 10кВ-ын цахилгаан дамжуулах агаарын шугамд зөвшөөрөгдөх хэмжээнээс дотогш ойртсоны улмаас гал гарсан гэж мэргэжлийн байгууллага дүгнээд байна.

Өвөлжилтийн бэлтгэл хангах ажлын хүрээнд өвс ачсан машин хаа сайгүй зорчиж байгаа. Иймд авто машинаар өвс ачих, ачаа тээвэрлэх үедээ даацыг стандарт хэмжээнээс хэтрүүлэхгүй байх, өндөр хүчдэлийн цахилгаан дамжуулах агаарын шугамаас 2 метрээс дотогш ойртохгүй байх. Зайлшгүй ойртохоор нөхцөлд шугамын трассын дагуу, шугам доогуур хөндлөн гарахгүй байхыг онцгойлон анхаарууллаа.