СОЁОЛОН: 153 хурдан соёолон уралдсанаас Булган аймгийн Сэлэнгэ сумын харьяат Х.Мөнхбатын хүрэн соёолон түрүүлэв

Үндэсний их баяр наадмын хурдан соёолонгийн уралдаан боллоо.

Соёолонгийн уралдаанд 217 хүлэг бүртгүүлсэн ч хэмжилт, шүдэлгээн дээр 64 нь хасагдаж, 153 хурдан соёолон уралдлаа. 

Түрүү магнайд Булган аймгийн Сэлэнгэ сумын харьяат Хишиг-Очрын Мөнхбатын хүрэн соёолон давхилаа. 

Аман хүзүүнд Сүхбаатар аймгийн Баруун-Урт сумын харьяат Лхагвадоржийн Анхбаатарын хул,

айргийн гуравт Өвөрхангай аймгийн Хужирт сумын харьяат, "Шунхлай групп"-ын Ерөнхийлөгч Пүрэвийн Батсайханы халзан соёолон,

айргийн дөрөвт Говь-Алтай аймгийн Шарга сумын харьяат Намсрайжавын Зоригтын загал,

айргийн тавд Сүхбаатар аймгийн Баруун-Урт сумын харьяат Уртнасангийн Тамирын халтар соёолон хурдаллаа.

Гэрэл зургийг MPA.mn