АН: Нөхөн сонгуулийн сурталчилгааны хугацаа дууссан байхад Ерөнхий сайд, МАН-ын дарга Л.Оюун-Эрдэнэ өнөөдөр Хэнтийд сонгогчидтой уулзсан байна

УИХ-ын 18, 28 дугаар тойрогт болж буй нөхөн сонгуулийн талаар АН-аас мэдээлэл хийлээ. Энэ үеэр Ардчилсан намын дэд дарга Р.Эрдэнэбүрэн "Нөхөн сонгуулийн сурталчилгааны хугацаа өчигдөр орой 24.00 цагт дууссан. Гэтэл Монгол Улсын Ерөнхий сайд, МАН-ын дарга Л.Оюун-Эрдэнэ өнөөдөр Хэнтийд очиж, сонгогчидтой уулзсан байна. Бүр 10 гаруй машинтай, эдгээрийн 5-6 машин нь дугааргүй байсан талаар мэдээлэл авлаа. Дугааргүй машинууд бүгд улсын хамгаалалттай, энэ бол маш ноцтой асуудал.

МАН-д суудал багадаагүй. Харин сэтгэл багадаж байгаа. Битгий сонгуулийн хуулиа зөрчөөчээ. Эрх мэдлээрээ битгий дулдуйдаач. Сонгогчдын сонгох эрхийг хангаж өгөөч гэж хүсэж байна" гэлээ.