ҮЙЛ ЯВДАЛ: Нөхөн сонгуультай холбоотой асуудлаар мэдээлэл хийнэ

Төрийн ордоны “Их танхим”-д 

08:30 цагт Нийт шүүгчийн анхдугаар чуулган болно.

Төрийн ордоны “Жанжин Д.Сүхбаатар” танхимд

10:00 цагт  Улсын Их Хурал дахь Монгол Ардын намын бүлгийн хуралдаан болно.

10:00 цагт Улсын Их Хурал дахь Ардчилсан намын бүлгийн хуралдаан болно.

Монре импексийн байр 106 тоот

11:00 цагт Хөдөлмөрийн үндэсний нам УИХ-ын сонгуулийн 28 дугаар тойргийн нөхөн сонгуультай холбоотой асуудлаар хэвлэлийн хурал хийнэ.

Монгол ньюс мэдээллийн төвд

11.00 цагт Улсын төсвийн хөрөнгө оруулалтаар сургууль, цэцэрлэг, соёлын төв, спорт заал, эмнэлгийн барилгын ажил гүйцэтгэж байгаа 21 аймаг, есөн дүүргийн барилгын компаниудын нэгдлээс тэдэнд тулгамдаж буй асуудлын талаар мэдээлэл өгнө.

11:30 цагт Засгийн газраас Монгол Улсын Үндсэн хууль, Үндэсний аюулгүй байдлын үзэл баримтлал, нэгдэн орсон олон улсын гэрээг зөрчсөн хуулийн төсөл боловсруулан, иргэдийн мэдэх эрхээс гадуур батлахаар хэлэлцэж байгааг иргэний нийгмийн байгууллагууд эсэргүүцэж хэвлэлийн бага хурал зарлалаа.

12:00 цагт Замын-Үүд сумд үүссэн нөхцөл байдал өдгөө ч хэвийн болоогүй, бүр хүндэрсэн талаар улс хоорондын ачаа тээврийн жолооч нар мэдээлэл хийнэ.

Хэвлэлийн хүрээлэн мэдээллийн төвд

12:00 цагт Охидын эрх зөрчигдөж байгаа асуудлаар хуульч Р.Булгамаа мэдээлэл хийнэ.

Сүхбаатарын талбайд

16:00 цаг хүртэл Монголын эмэгтэйчүүдийн холбоо "Олон улсын охидын өдөр” буюу өнөөдөр "БҮҮВЭЙ-БҮҮ АЙГ" бүжингийн суултыг зохион байгуулна. 

Төрийн ордонд

Ажлын хэсгийн хуралдаан болно. 

09:00 цагт Нийтийн мэдээллийн тухай хуулийн төсөл болон хамт өргөн мэдүүлсэн хуулийн төслүүд, Хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүд, Цахим гарын үсгийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг Байнгын хорооны болон чуулганы нэгдсэн хуралдааны хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан

09:00 цагт Эм, эмнэлгийн хэрэглэгдэхүүний тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг Байнгын хороо болон нэгдсэн хуралдаанаар хэлэлцүүлэх бэлтгэх бэлтгэл хангах, санал, дүгнэлтийн төсөл боловсруулах үүрэг бүхий Нийгмийн бодлогын байнгын хорооны ажлын хэсэг сумын эргэлтийн эмийн сангийн асуудлаар

14:00 цагт Хуульчийн эрх зүйн байдлын тухай хуулийн төслийг Байнгын хорооны болон чуулганы нэгдсэн хуралдааны хэлэлцүүлэгт бэлтгэх үүрэг бүхий ажлын хэсэгт мэргэжил, арга зүйн зөвлөгөө үзүүлэх Хууль зүйн байнгын хорооны ажлын дэд хэсгийн хуралдаан