О.ОТГОНТӨГС: С.Жавхлан “Хамаг Монгол” тоглолт хийхийн тулд Сангийн сайдаас дөрвөн тэрбум төгрөг нэхсэн

Иргэн О.Отгонтөгс сүүлийн үед болж буй жагсаал, цуглааны талаар мэдээлэл хийлээ.

Тэрбээр “С.Жавхлан, Д.Мөнх-Эрдэнэ нар ард түмний итгэлийг олж жагсаал, цуглаан зохион байгуулдаг. Гэхдээ гол зорилго нь баталгаагүй, юуны төлөө гэдэг нь эргэлзээтэй. Ашиг сонирхлын төлөө юү, эсвэл ард түмний төлөө юү.

Л.Оюун-эрдэнийг С.Жавхлангаар, У.Хүрэлсүхийг Д.Мөнх-Эрдэнээр солиод юу ч өөрчлөгдөхгүй гэдгийг энэ хоёр хүн мэдэхгүй л байв гэж. Би өөрийнхөө цахим хаягаар дамжуулан эрүүгийн хуулийн 22.1 дүгээр заалт “эрх мэдэл, албан тушаалаа урвуулан” ашиглах авлигын гэмт хэргийн талаар байнга ярьдаг. Ийм хууль байсаар байхад улсын мөнгийг ямар ч төрийн албан хаагч хэдэн ч төгрөг идсэн бай хохирлын хэмжээ гэж заагаагүй. Зөвхөн 40 сая төгрөгөөр торгоод л болдог. Эхлээд бид хариуцлага гэдэг зүйлийг өндөр болгох хэрэгтэй. Дээрх хуулийг УИХ-ын гишүүн, консул байсан хоёр хон болох С.Жавхлан, Д.Мөнх-Эрдэнэ хоёр мэдэхгүй л байв гэж. Д.Мөнх-Эрдэнийн хадам эгч нь одоо Гадаад хэргийн сайд Б.Батцэцэг. Засгийн газрыг огцруулъя гэхийн оронд хадам эгчдээ хариуцлага тооц. Цаашид ямар нэгэн жагсаал ццуглаан болоход ирэх хүнгүй боллоо. Хэн нэгний лоббины жагсаалын араас явсаар байгаад итгэх хүнгүй боллоо.

УИХ-ын гишүүн асан С.Жавхлан “Хамаг Монгол” гэдэг тоглолт хийхийн тулд Сангийн сайд Б.Жавхлангаас дөрвөн тэрбум төгрөг өг гэж шантаажилсан байна. Энэ талаар төрийн албаны хүн бүхэн ярьж байна. С.Жавхлан Засгийн газрыг огцруулах акц хийнэ гэж сүрдүүлээд мөнгө нэхээд явж байна. Гэтэл иргэд лоббины жагсаалынх нь хохирогч болоод байна” гэв.