Дархан арьс ширний цогцолбор 16,500 хүртэлх ажлын байр бий болгох боломжтой

Дархан арьс ширний цогцолбор ашиглалтад орсноор төвийн бүсийн арьс ширний бүх үйлдвэрийн үйл ажиллагааг нэг цэгт төвлөрүүлэх ач хоблогдолтой. Мөн худалдаа бэлтгэлийн агентыг таваар бэлтгэлийн агентаар бий болгож чадах юм бол хөдөө орон нутагт нийтдээ 16,500 ажлын байр бий болох бүрэн боломжтой цогцолбор юм.

Зөвхөн эхний түвшинд босгож байгаа 50га-д 15 мянган тонн завод ноос ноолуур, 10 сая арьс боловсруулах түвшинд авч үзэхэд 2,300 шууд ажлын байр, дам утгаараа 7,500 ажлын байр бий болох аж.

Мэдээж хэрэг хоёрдугаар түвшин болон эцсийн бүтээгдэхүүн боловсруулахад бас ажлын байр бий болно. Гэхдээ дээрх 2,300, 7,500-аас илүү их ач холбогдолтой нь 330 мянган малчин өрхөд очих дэмжлэг. Үүн дээр бид хуучин худалдаа бэлтгэлийн агентыг таваар бэлтгэлийн агентаар бий болгож чадах юм бол хөдөө орон нутагт 16,500 ажлын байр бий болох бүрэн боломжтой талаар албаны эх сурвалж мэдээллээ.